Lube šulerki a lubi šulerjo, česćeni staršej,
wot 12.04. 2021 chcemy dale z prezenčnej wučbu pokročować. Informujemy Was na tutym městnje wo dalšich postajenjach.
Kotra skupina ma wučbu?
Sekundarny schodźenk I
Skupina B wuwučuje so w tydźenju wot 12.04. do 16.04. 2021 z prezenčnej wučbu. Šulerjo skupiny A wuknu wot doma.
Skupinske dźělenje dale wostanje.
Sekundarny schodźenk II
W 11.lětniku započina skupina A wot 12.04. do 16.04. 2021 z prezenčnej wučbu.
Kak organizuje so šulski dźeń?
Wučba poda so po planje. Wobkedźbujće prošu, za płaća wot 01.04. nowe plany. Wone su přez homepage přistupne.
Kotre předmjety wuwučujemy?
Za šulerjow SEK I a šulerjow 11.lětnika přewjedźe so regularna wučba po hodźinskej tabulce z wšitkimi předmjetami.
Kotre předpisy płaća?
Zasadnje płaća předpisy SächsCoronaSchVO a šulski hygienowy koncept. Hygienowy koncept šule je pod rubriku informacije - formulary wozjewjeny.
W šulskim domje a na šulskej ležownosći wobsteji winowatosć nošenja nahubnika.
Dowolene nahubniki su mediciniske maski abo FFP2 maski abo přirunajomne ( K95/ N95).
Šulerjo a wučerjo maja so dwójcy wob tydźeń testować. Šulerjo 5.-10. lětnika testuja so stajnje póndźelu a srjedu rano w 1. hodź. pod dohladom fachoweho wučerja. Testy za šulerjow 11.lětnika přewjedźemy stajnje póndźelu na spočatku 3.hodźiny a srjedu rano w 1. hodź. Šulerjo 12.lětnika testuja so póndźelu a srjedu stajnje na spočatku 3. hodźiny.
šulske wjednistwo