Internat Serbskeho gymnazija Budyšin

Za šulerjow z dalenych kónčin steji na arealu SŠZC moderny internat  k dispoziciji a přeprošuje jich, wot njedźele wječora hač do pjatka popołdnja tu přebywać. Nazhonići kubłarjo su wodnjo a w nocy na městnje a staraja so wo derjeměće wobydlerjow. Přebytk w internaće zmóžni šulerjam wšědnje serbsku rěč jako wobchadnu rěč dožiwjeć, ju nałožować a rěčne znajomosće wudospołnić.

Za spjelnjenje domjacych nadawkow, zwučowanje na instrumentach a kóždyžkuli druhi hobby skića internat idealne wuměnjenja. Najwšelakoriše poskitki a zarjadowanja garantuja wočerstwjenje a zabawu po dołhim šulskim dnju. Při tym ma hajenje serbskeje kultury a serbskich nałožkow wosebity wuznam. Nimo toho je wobydlerjam móžno, w swobdnym času poskitki w měsće wužiwać a na přikład w serbskim młodźinskim dźiwadle abo při serbskim rozhłosu sobu skutkować.

Poskićimy:

  • 57 městnow za šulerjow wot 5. do 12. Lětnika
  • swětłe dwu- a třiwosobowe stwy, wuhotowane ze separatnej kupjelu
  • połne jědźne zastaranje
  • wólnočasne rumnosće kaž klubownja, sportowy rum, billardowa rumnosć, komputerowy kabinet, stwy za zwučowanje na klawěrje abo druhich instrumentach a za wuknjenje
  • wulkomyslne zelenišća a grilowanski róžk                                                                                               
  • měsačna internatna podruž: 137,50 € ( + kóšty za jědźne zastaranje )                                  
  • financna podpěra přez BaföG abo wot Załožby za serbski lud móžna

Kontakt:

Internat Serbskeho gymnazija Budyšin

Friedricha Listowa dróha 8a

02625 Budyšin

tel.: 03591-480910 / faks: 03591-530190       

e-mail:      sorbisches.internat @t-online.de

Dalše informacije namakaće na internetowej stronje Rěčneho centruma WITAJ, kiž je nošer internata: www.witaj-sprachzentrum.de