Informacije šulskeho wjednistwa

Česćeni starši, lubi šulerjo,

někotre aktualne informacije (staw 17.03.2020).

 

  • Dźensniši staršiski wječor 17.03. 2020 so njepřewjedźe.
  • Wot wčerawšeho organizujemy domjace nadawki za šulerjow. Tute so wokomiknje zdźěłaja a so w běhu přichodnych dnjow přez podaty puć spřistupnja.
  • Prosymy starši při spjelnjenju nadawkow wo podpěru. Wy maće přistup k nadawkam a tak tež wěstu kontrolu, što šuler spjelnić ma. Nadawki su we wobjimje hodźinow wob tydźeń stajeny. Podpěrajće prošu dźěći při rozdźělenju nadawkow w běhu tydźenja. Nastajće sebi dźěłowy plan.
  • Při prašenjach - njejasnosćach prosymy Was,  zo z wučerjemi přez mejlku direktnje do kontakta stupiće.
  • Při zasadnych prašenjach wobročće so prošu direktnje na šulske wjednistwo.

Z přećelnym postrowom

R. Wjacławk

šulski nawoda