„Hinaše žiwjenje“
Live-słuchohra z Thomasom Darchingerom a Johannom Jasterom je žiwa wučba stawiznow a wukonja elementarny přinošk ke kubłanju našich młodostnych, wosebje hladajo na hódnoćenje, zachowanje a dalewuwiće našeje swobodneje demokratije. Hižo něhdźe 100 000 šulerkow a šulerjow na gymnazijach, realnych šulach, powołanskich a fachowych šulach buchu ze stawiznami młodeho Sollyja Ganora konfrontowani. Solly Ganor, kotryž bu jako teenager w kaceće zajaty – rysuje holocaust z wida młodostneho. Přez zwisk z na podawk eksaktnje wusměrjenej hudźbu Henninga Lohnera stanje so rěčane słowo hišće intensiwnišo dožiwjomne.
SOLLY GANOR D A S A N D E R E L E B E N.
Stawizna židowskeho młodostneho w Němskej III. mócnarstwa. Solly je 13 lět stary, jako so němske jednotki w lěću 1941 do jeho ródneho města Kaunas (Litawska) zadobywaja. Wot jednoho dnja na druhi je dźěćatstwo židowskeho hólca ke kóncej. Wón so ze swojej swójbu do gheta ćěri a dyrbi přihladować, kak so přećeljo a přiwuzni při mnohich tak mjenowanych akcijach nowych mócnarjow k zničenju selektuja abo nablaku zamorduja. Hólc wuknje přežiwić a je hižo sto króć zemrěł, prjedy hač so po rozpušćenju ghetta w lěće 1944 najprjedy do lěhwa Stutthof (pola Gdańska) a wottam do wonkowneho lěhwa kaceta Dachau deportuje. Wosrjedź bayerskeje krajiny, kónčina kaž na pohladnicy, w lěhwje X (Utting při Ammersee), zhoni Solly na swojej wosobje sam, što nacionalsocialisća pod „zničenjom přez dźěło“ rozumja. Před přichadźacymi aliěrowanymi so z mało hišće žiwymi jatymi na jednej z wuwołanych smjertnych pochodow do směra na Alpy ćěri a so po puću wot ameriskich wojakow wuswobodźi. Je to stawizna wo honjenym hólcu, kiž je połsta lět dołho wo podawkach mjelčał a kiž so nětko ze wšej mocu słowa jima: hłós z hinašeho žiwjenja.
Thomas Darchinger
