Chór 1. serbskeje kulturneje brigady z.t. přeprošuje wutrobnje na swój tradicionelny adwentny koncert sobotu, 13. hodownika, w 17.00 hodź., do Budyskeje cyrkwje Marje a Marty. W srjedźišću koncerta steji Adwentna kantata Feliksa Breuera. Zaklinča dalše woblubowane adwentne twórby serbskich a mjezynarodnych komponistow. Sobuskutkowacy budu nimo chóra 1. serbskeje kulturneje brigady Serbska komorna filharmonija Serbskeho ludoweho ansambla a solisća. Cyłkowny wuměłski nawod změje Judith Kubicec. Zastup budźe darmotny, prosymy wo kolektu za financowanje tutoho adwentneho koncerta.