Lube šulerki a lubi šulerjo, česćeni staršej,
wot 15.03. 2021 chcemy z prezenčnej wučbu za šulerjow SEK I pokročować. Chcemy Was na tutym městnje powšitkowenje informować.
Kotra skupina ma wučbu?
Skupina B započina z wučbu wot 15.03. do 19.03. 2021. Šulerjo skupiny A wuknu dale wot doma.
Skupina A slěduje w přichodnym tydźenju wot 22.03. do 26.03. 2021 z prezenčnej wučbu. Šulerjo skupiny B wuknu potom wot doma.
Wot 29.03. do 09.04. su prózdniny.
Skupina B započina z wučbu potom zaso po prózdninach wot 12.04. 2021.
Kak organizuje so přeni šulski dźeń?
1. a 2. hodźina budźetej rjadowniskej hodźinje.
Wot 3. hodź. wuwučujemy po planje.
Kotre předmjety wuwučujemy?
Za šulerjow SEK I přewjedźe so regularna wučba po hodźinskej tabulce z wšitkimi předmjetami.
Aktualizowane hodźinske plany rjadownjow su pod rubriku plany wozjewjene.
Što dyrbimy hišće wědźeć?
W šulskim domje a na šulskej ležownosći wobsteji winowatosć nošenja nahubnika.
Dowolene nahubniki su mediciniske maski abo FFP2 maski abo přirunajomne ( K95/ N95).
Hygienowy koncept šule je pod rubriku informacije - formulary wozjewjeny.
šulske wjednistwo