Serbski gymnazij Budyšin

Informacija šulskeho wjednistwa

Česćeni starši šulerjow 5.-10.lětnika,

póndźelu zwěsćichmy wjacorych šulerjow, kiž so pozitiwnje na Corona wirus testowachu. Woni so wot staršich wotewzachu. Dalšich šulerjow starši hižo rano w předpolu wotzjewichu.

Sćěh toho je, zo dyrbimy přechodnje Serbski gymnazij za šulerjow 5. – 10.lětnika. wot 24.11. do 26.11.2021 zawrěć. Postupowanje je z LaSuB Budyšin a SMK wothłosowane.

Wuchadźamy z toho, zo so wot póndźele 29.11.2021 zaso wučba za 5.-10. lětnik poskići.

Za šulerjow 11./12. lětnika so wučba w prezency dale podała.

Jeli so Waše dźěćo w přichodnych dnjach pozitiwnje testuje abo symptomy pokaza, dźiće prošu k lěkarjej a informujće nas wo tym.

  • Za šulerjow, kiž njejsu schorjeni, njewobsteji předpis karanteny.
  • Nadawki podaja so šulerjam přez LernSax.
  • Indiwiduelnje poskića so tež online wučba.

Prošu informujće so pjatk, 26.11.2021, přez šulsku homepage a LernSax wo dalšim postupowanju.

Z přećelnym postrowom

šulske wjednistwo

Staršiska informacija k rěčnym hodźinam

Česćeni starši,

z pismom ministerstwa SMK wot 16.11.2021  so mjez druhim k rěčnym hodźinam ze staršimi informuje. Tam rěka, jeli so rozmołwa w šuli přewjedźe, potom maja so starši před rozmołwu testować. Testy so přez šulu staja. Připóznaty aktualny negatiwny test so tež akceptuje. 
Po móžnosći pak maja so tute rozmołwy digitalnje přewjesć. K tomu so prošu skontaktujće z fachowym wučerjom přez LernSax, z kotrymž sej rozmołwu přejeće.

 

šulske wjednistwo

Dźeń wotewrjenych duri

Česćeni starši,

lube šulerki a lubi šulerjo,

 spočatk šulskeho lěta informowachmy Was wo terminje dnja wotewrjenych duri. Tutón chcychmy 16.11.2021 přewjesć.

Smy hižo tójšto časa do přihotow inwestowali, wšako chcychmy wam znowa wotměnjacy program poskićić.

 Přiběracych infekciskich ličbow a hygieniskich postajenjow dla njemóže so dźeń wotewrjenych duri, dnja 16.11.2021, přewjesć.

Ručež so cyłkowna situacija změruje, chcemy nachwatanski termin planować.

Informujemy Was sčasom.

 

Šulske wjednistwo

Informacija šulskeho wjednistwa

Dalše rjadowanje k postupowanju přećiwo COVID wot  08.11.2021

Z powyšenjom incidency ma so na šulskej ležownosći, w šulskim domje hač na městno dale nahubnik nosyć. We wučbje stajnje potom, hdyž so wotstawk mjez šulerjemi njedodźerži.

Testujemy dale trójce wob tydźeń. To płaći za přichodny tydźeń wot 08.11. do 12.11.2021.

Dźiwamy dale na dodźerženje wotstawkow.

Dowolene su jenož mediciniske maski abo přirunajomne. 

 

šulske wjednistwo
  • Schülerzeitung