Modulowy tydźeń                                                                                                                          datum:          23.03. – 27.03.2026

Lubi šulerjo, česćeni starši,

wot 23. do 27. měrca wotměje so naš modulowy tydźeń. Šulerjo dźěłaja lětnik-přesahujo a předmjety-zwjazujo na wšelakich temach. Woni wotkrywaja, přeslědźa a wuspytaja. Přejemy při tym wjele wjesela.

Liebe Schüler, sehr geehrte Eltern,

vom 23. bis 27. März findet unsere Modulwoche statt. Die Schüler arbeiten klassenübergreifend und fächerverbindend an verschiedenen Themen. Wir wünschen viel Freude beim Entdecken, Erforschen und Ausprobieren.

Modulowy tydźeń (staw: 19.03.2026)                                                                          datum: 23.03. – 27.03.2026

5. lětnik: brunica (modul: geo, sb, wk), sport (reje mejemjetanje)

6. lětnik: 2. cuza rěč

7. lětnik: stawizny/ nabožina

8. lětnik: přirodowěda: wohnjowa wobora

9. lětnik: fachowe dźěło, Pirna Sonnenstein, Lessing

10. lětnik: stawizny/ prezentacija fachoweho dźěła

11. lětnik: stawizny

5. Februar 2026

On 3^rd February, 36 students from years 5 – 8 performed at this year’s poetry contest, which already took part for the 6^th time. After giving their best in front of everyone's classes, the best performers were chosen to recite their poems in front of a big audience in the assembly hall.

Everyone gave their best and we are proud of all participants! Excellent performances and a cheering crowd are proof of a successful contest.

Warmest thanks to our jury: Carla, Kito, Dionys, Stella, Helena, Jasmin and Luise. (year 11).

Congratulations to:

Year 5:   1st place: Matteo N. –    2nd place: Lilly K.–   3rd place: Lena Z.
Year 6:   1st place: Helena K. –   2nd  place: Serafina M. –  3rd place: Martha W.
Year 7:   1st place: Lea-Lucienne J. –  2nd  place: Katharina  –  3rd place: Greta J.
Year 8:   1st place: Nikita S. –  2nd place: Mirijam W.  –  3rd place: Valentina S.

SEE YOU NEXT YEAR!

participants of year 5: Constantin, Lubina, Johanna, Lena, Marie, Matteo N., Julja, Lilly and Matteo K., Mrs Nawka and their jury: Carla, Kito and Dionys

participants & winners of year 6: Madlenka, Milenka, Jolanda, Josepha, Rebecca, Mrs Nawka, Martha, Helena, Serafina, Syman

and their jury: Carla, Dionys and Kito

view from above

Lea-Lucienne J. and Greta J. won the 1st and 3rd place in year 7

Mrs Weitzmann presented and accompanied the candidates of years 7 and 8.

jury of years 5 and 6

The winners of year 8 were Valentina S., Nikita S. and Miriam W.

photos: A.Nawka, A.Weitzmann

Woda běži wokoło putniskeje cyrkwje „Marije dom wopytanja“ pola mjezynarodneho zetkawanskeho centruma, zbytki zmjerznjeneje wody jako sněh po puću, pitna woda, wodu dóstachmy z kuskami oranže abo jako čaj, a nětko mamy „Wulkotnu wodu“ w formje notowych mapow před sobu ležo: Njeje to wulkotnje? Wočakowanja na chórowe lěhwo běchu wulke, wšako bě sej chór brigady nastudowanje třećeho swětneho oratorija předewzał: „Wulkotna woda z wočow fotografa“, kotryž běchu srjedu do toho hłowni iniciatorojo-wuměłcy, Měrćin Weclich, Johannes Gerstengarbe, Maćij Bulank na zakładźe tekstow lyrikarki Róže Domašcyneje w awli SGB předstajili. (SN rozprawjachu.) Połnje elana podachu so 51 šulerki a šulerjo pjatk, 16. januara, dopołdnja do dźěła: aranžer twórby, Johannes Gerstengarbe, nastudowaše z chórom takt po takće. Hdys a hdys přida chórej swoje ideje a wobrazy, kotrež wolóžichu spěwarjam, so derje do jednotliwych wotrězkow oratorija zanurić. Jemu poboku běchu Judith Kubicec, Matej Kowar a Elisabeth Wirthec, kotřiž přewzachu hłowne proby, registrowe proby a hłósne kubłanje. Z klawěrnym abo playback-přewodom a k tomu słušacymi fachowymi pokiwami a chwalbu aranžera nasta přijomna, dźěłowa atmosfera. Pohib jako žiwy element oratorija, jako krótka přestawka abo rańši sport, spěchowaše koncentraciju. Sobotu popołdnju, hdyž běchu w hrubym najwažniše dźěle noweje twórby nastudowane, popřachu sej wšitcy wočerstwjace pućowanje. Tute běštaj podpěracej wučerjej knjez Šołta a knjez Dyrlich ze słódkimi schowanymi překwapjenkami spřihotowałoj. Do wječerje měješe brigada spontany mini-koncert: K wotewrjenju wustajeńcy zanjese chór tři woblubowane spěwy: afrikanski „Sijahamba“, „Sněženki“ Bjarnata Krawca a ludowy „Naš njeboh` dźěd“, tón samo z podpěru wučerjow. A što by chórowe lěhwo było bjez wjesołeje wječorneje zabawy! Pjatk kaž tež sobotu zetkachu so brigadnicy k wočerstwjacej zhromadnosći w awli: hudźachu na swojich instrumentach, k tomu spěwachu a mějachu lóštne ideje za towaršliwu zabawu. Wulki dźak wam wšěm za tute pryzlojte ideje, za waše koncentrowane dźěło w njezapomnitym chórowym lěhwje! Brigada dźakuje so tež wutrobnje Załožbje za serbski lud, kotraž nam chórowe lěhwo a regularne proby zmóžni. Wutrobny dźak tež hižo na tym městnje Serbskemu ludowemu ansamblej za mnohostronsku podpěru. Serbska filharmonija přewozmje hudźbny přewod, nimo druhich hudźbnikow, ale nochcemy přewjele přeradźić: Oratorij budźe dožiwjenje za wuši a woči. Spěwarki a spěwarjo brigady su hižo nětko zahorjeni, runje tak kaž rejwanska skupina brigady pod nawodom Kornela Kolembusa. Zapisajće sej najlěpje hnydom terminy do swojeje protyki: Premjera wotměje so pjatk, dnja 11. septembra 2026, w 19.30 hodź. a druhe předstajenje njedźelu, 13. septembra 2026, w 17.00 hodź. na žurli Budyskeje měšćanskeje hale „Króna“. Oratorij wospjetuje so třeći króć njedźelu, 27. septembra, w 17.00 hodź. na žurli Techniskeje uniwersity w Liberecu. Dajće so překwapić!

W mjenje 1. serbskeje kulturneje brigady

Sylwija Rječcyna